Wednesday, August 16, 2017

Buwan Ng Wika Tula Samples (Filipino: Wikang Mapagbago)

Buwan ng Agosto ay ang Buwan ng Wika o Buwan ng Wikang Pambansa. Ito ay isa sa mga mahahalagang pagdiriwang na ginaganap sa ating minamahal na bansa. Ang theme ngayong taong 2017 ay Filipino: Wikang Mapagbago. Ang tema ay naaangkop lamang sapagkat marami na ngang nagbago sa ating sariling wika merong mga negatibo pero marami namang mga positibo. Isa sa mga patimpalak ay ang paggawa ng tula at sanaysay meron ding slogan at poster making contest.


Wikang Mapagbago(Tula) 
ni Maria Ericka M. Pineda 

Wikang bahagi ng kasaysayan
Sa kamay ng dayuhan pinahirapan 
 Naghatid sa bansa ng kalayaan 
Nagbigay sa Pilipino ng karapatan

Wikang pinagbawal ng kastilang gamitin 
 Sa lupaing mituturing na sariling atin 
Upang sa salitang banyaga sanayin 
At Pilipinas tuluyang sakupin 

Wikang nagsulong ng kalayaan 
 Ginamit upang sa dayuhan makipaglaban 
Wikang ginamit upang magkaintindihan 
At muling ibalik ang nawalang kasarinlan 




Wikang nakalimutan dahil sa mga kano 
 Mas inalam si Washington kaysa Bonifacio 
 Ingles ang naging tanyag sa mga Pilipino 
At patuloy na sinamba ang mga Amerikano

Wikang patuloy ang paglago 
Mabilis na pagsulpot ng iba’t ibang dayalekto 
Pati narin jejemon at Gay Lingo 
 Na nagpapakulay sa kultura ng Pilipino 

Wikang mabilis magbago 
Masasabing sumasabay sa uso 
Wikang salamin ng pagkatao 
Wikang buhay ng Pilipino

WIKANG PAGBABAGO (Tula)
Ni Benjamin D. Onarse Jr.


Ano nga ba ang halaga
Ng wika ng isang bansa
Kung di tayo magkaisa
At magbuklod ng sama sama


Kung kaya mong magpahalaga
Ng wika ng ibang bansa
Bakit di ang sariling salita
Na kinagisnan mula ng ika'y bata




Pag usbong ng bagong salita
Talaga namang nakakahanga
Ito ay isang katunayan
Na yumayabong ang ating wika


Di natin makakaila
Sa pagyabong ng ating wika
Ay may mga salita
Na di na nagagamit at limot na


Napakahalaga ng wika
Lalo na sa isang bansa
Kung wala itong halaga
Ano ang pangalan ng ating bansa


Wikang Filipino
Ang magbubuklod sa mga tao
Wikang mapagbago
Ang susi sa mga ito


“Bukambibig”
(Filipino: Wikang mapagbago)
Ni: Ashley Nicole D.V. Cia


Wika ay emosyon na nagpapabulalas
Sa bibig ng madla ng bansang Pilipinas
Emosyong ito’y walang habas mag atas
Ng mga bukambibig na matatas


Sa bawat bagong salitang inilalabas
Ng mga panahong kay bilis kung lumipas
Ay ang pagpalit din sa lumang binibigkas
Mga salitang naging lanta na’t walang lakas


Arbitraryong salita sa bawat pangkat ay lakas
At Kung saan itinuturing na hiyas
Sa pagkakaroon ng epektibong pakikipagtalastas
Mga salitang tumutukoy sa kanilang bakas





Mga nais ipahayag na salita ay lutas
Upang maipahayag ang ibig sa pagbigkas
Iba’t ibang salitang sumisibol, lumabas
Malilikhaing isip ang nagiging batas


Mga sallitang tinanim, pinitas
Ng mga taong lumilikha at bumimibigkas
Pinagyayaman kahit ito’y may pintas
Pagbuo ng mga salita’y walang wakas


Wika’y nagbabago base sa pagintindi’t pagbigkas
Nang dahil sa bukambibig na naririnig madalas
Ang ating wika’y nagkakaroon ng antas
Filipino: wikang mapagbago, pagpapalaganap nito’y iwasiwas

No comments:

Post a Comment